Rritja e Ndërgjegjësimit: Në ngjarjet e QAK diskutohet për shëndetin riprodhues, menopauzën dhe higjienën e grave

Javën e kaluar, në Qendrat e Angazhimit në Komunitet (QAK) në Prizeren, Mitrovicën Jugore, Istog, Malishevë dhe Klinë, u zhvillua eventi më i fundit kushtuar shëndetit riprodhues të grave, me një fokus të veçantë në fazat e Perimenopauzës dhe Menopauzës, si dhe në higjienën dhe mbrojtjen nga sëmundjet infektive. U ndanë informacione të vlefshme rreth ndryshimeve fizike dhe hormonale që ndodhin gjatë këtyre fazave të jetës dhe mënyrave më të mira për t’u kujdesur për shëndetin riprodhues. Pjesëmarrësit mësuan se si të njohin shenjat e hershme të menopauzës dhe si të menaxhojnë simptomat, duke përfshirë: afshet e nxehta; ndryshimet në ciklin menstrual; ndjeshmërinë emocionale, etj.

Një temë tjetër e rëndësishme ishte rëndësia e higjienës personale dhe metodat për të parandaluar sëmundjet infektive që mund të ndikojnë në shëndetin riprodhues.

Një numër i madh i grave treguan interes të madh për këtë temë dhe patën mundësinë të flisnin me mjekun rreth praktikave më të mira për ruajtjen e shëndetit gjatë këtyre tranzicioneve jetësore.

Ky takim shënoi një hap të rëndësishëm në rritjen e ndërgjegjësimit, promovimin dhe informimin rreth shëndetit riprodhues dhe mundësive për kujdes dhe mbrojtje të vazhdueshme.